خبر وتعليق

بسم الله الرحمن الرحيم

خبر وتعليق 12

اهلا وسهلا فيكم من جديد ,,,,,والله انا بيني وبينكم احترت اعلق على اي خبر بالفترة الماضية ,,,حاكم الاخبار كتيرة والمصايب كتيرة والاشياء اللي بتفرح كتيرة ,,,,,,احترت احكي عن مشاكل العراق وثوران جيش المهدي على امريكا بعد ما كان احد المليشيات المكتوب عليها – مايد إن امريكا – يعني صنع في امريكا عشان امريكا قال تعمل نوع من الفوضى ونوع من التوازن بين اتباع البعث وبين المعارضة اللي كانت بتكره سنسفيل ابوه لصدام ,,,,بس سبحان الله شكله انقلب السحر على الساحر ,,,سيدي ما علينا فخار يكسر بعضه انا اصلا بحبش جيش المهدي ولهيك مش حاعلق عليه ,,,,وتابعنا كمان اخبار قطاع العزة والبطولة قطاع غزة والله مع انه كلنا مضايقين من اخبار الحصار المفروض على ابطال غزة بس فرحونا الزلام واسود القسام وكل الفصائل ونزلوا باليهود عملية ورا عملية وفرجوهم ايش معنى تكون فلسطيني ,,,,بس بالمقابل مع كل ضربة للمقاومة لاسرائيل بعرفش ليش عبسي وجماعة رام الله بيحسوا انها ضربة الهم وبيروحوا بيعتقلوا كمن حمساوي ,,,,وزي كانه عبسي وجماعته هوايتهم تجميع الحمساويين – ليش نعتب عليهم زي ما في ناس هوايتهم يجمعوا طوابع السلطة هوايتها تجمع الحمساوية - ,,,,وتابعنا كمان خبر منتدى الدوحة الاقتصادي واستضافة قطر للوزيرة الاسرائيلية ليفني ,,,,,والله يا جماعة انا هون بدي انفض ايدي وارفع ايدي التنتين ,,,,لاني لهلأ ولاول مرة يجوز بوقف عاجز قدام فهم نوايا بلد معين ’’’’يعني قطر بتبينلي مرات من احسن الانظمة العربية ,,,,ومرات تانية بتبينلي غريبة ,,,,,,يعني الاخوان حكام قطر يفكونا ويحددوا موقفهم وميعملوليش زي اللي بدو يسرق ومستحي ,,,يعني احكولنا انتوا ابيض ولا اسود ,,,,اللون الرمادي بيلبقش على خلقكم لانه ,,,,,,,,,وكمان اسمعتوا خبر برميل النفط اللي قرب يصير 120 دولار ومعرفناش لهلا ,,المشكلة بالدولار اللي كل يوم بياكل هوا اكتر من اللي قبله ولا المشكلة بالانتاج ,,,بس احلى شي تعليق الرئيس احمدي نجاد اللي وصف الاسعار النفطية بالقليلة وغير المقنعة ,,,,ولك يسلم تمك يا نجاد والله انك فهمان  وعارف تمش بالطريق المزبوط ونيال الفرس عليك ,,,,,,,وسمعتوا كمان عودة المفاوضات بين عباس واولمرت – قال يعني بدهم يقنعونا انه عباس افندي كان موقف المفاوضات ,,,,لأ زلمة صاحب موقف هاد العباس - ,,,,,,,وعلى فكرة كان الي ملاحظات شوي  على عباس وكوندليزا رايس ...هدول الطرفين شكلهم غيروا وظائفهم لسفراء وبطلوا يشتغلوا كرئيس دولة ووزيرة ’’’’عباس 24 ساعة بنلاقيه اما بالاردن او روسيا او لندن او امريكا وازا حب يرجع على فلسطين بيركض يعبط باولمرت اما رامالله فبيدخلهاش الا بالمناسبات ,,,,وكوندليزا نفس الاشي 24 ساعة بمصر والاردن وقطر والكويت – شكله عباس عاديها المسكينة وانا بدوري بطلب من الرؤساء يبعدوا عنه عشنوا معدي ,,,,بلاش يكون عندوا امراض تانية معدية ,,,,-يعني مش عارف كوندليزا ليش بتستعمل مكتبها اللي بالبيت الابيض اللي بتدخلوش الا بالمناسبات هي كمان ,,,,,وسمعنا كمان عن حصار مصر لغزة ,,,لأ والازكى من هيك واحد من كلا,,,قصدي شيوخ الازهر افتى بقتل اي فلسطيني يخترق الحدود ,,,ولك الله يقتلك يا ابن الكلب ,,,,,مش لهاي الدرجة ....يعني شيوخ الازهر منخرسين ومش مسمعينا صوتهم وحكينا مش مشكلة هدول جبنا وخايفين على رزقهم بس يطلعوا فتاوي متل هيك والله عيب اصلا,,,,قال شيخ باعظم صرح اسلامي علمي قال ,,,,ما علينا ,,,,,كمان في خبر حاعلق عليه هو للفنان العظيم مطرب الجماهير وحبيب الملايين ,,,,وبتحدا اي واحد يكون عرف مين هاد ,,,,هاد اسمه ايمن الظواهري ....اه تستغربوش هاد الزلمة صار يطلع تسجيلات صوتية اكتر من نانسي وعمرو دياب ,,,وبيهدد كل دول العالم وبينسى انه في جنب العراق بلد اسمه فلسطين محتل من بني يهود وهو اولى انه نضربه بدل ما نهدد فرنسا واسبانيا و من داري شو ,,,,كل يومين تقريبا اله تسجيل شكل هو والمخرج ابن لادن ,,,,مع احترامي للي بيحبهم بس انا شايف انه هدول الجماعة مش مزبوطين وهم قطع شطرنج على طاولة بوش والله اعلم ,,,,,وانا بطلب من روتانا بصفتها شركة انتاج فني كبيرة تتعاقد مع الظواهري وابن لادن ويصيروا يطلعولهم اشرطة والله يا روتانا لتربحي وخديها مني ,,,,لأ والازكى نشوف الظواهري جاي بالصيف على قرطاج وجرش يعطي محاضرة جديدة عن كيفية التنكيد على العرب المقيمين بامريكا واوروبا وكيف نخلي الاجانب يكرهوا سنسفيل ابو المسلمين وخلافوا ,,,مسخرة اه ,,,,,,واخر خبر حاعلق عليه هو الاحكام العسكرية بحق الاخوان المسلمين بمصر واللي وصلت لحد 10 سنيين ,,,,انا بصراحة بلوم الاخوان المسلمين والسبب واضح ايام حرب لبنان نط المرشد العام للاخوان وحكى انه مستعد يرسل 10 الالف مقاتل للبنان عشان يحاربوا اسرائيل ,,,الاخ ملاحظش انه بعبارته هادي لمس سماه لمبارك اللي بلش يحسبها لبعيد ويحكي هدول عندهم جناح عسكري وبكره بينقلبوا علي فاحسن اشي اتغدى فيه قبل ما يتعشوا في وبصراحة ,,,,,مبارك رئيس وعربي ولو ما عمل هيك كان زعلوا منه حبايبه بالبيت الابيض ,,,,,يا مبارك انت بتلعب بدمك وبعداد عمرك فدير بالك الاخوان عن يمنك وحماس عن شمالك و80 مليون مصري قدامك وشايفينك خبزة ,,,,,فالله يستر علينا وعليك ,,,,

وبالاخير ان شالله عجبكم النظام هاي المرة وبدل خبر حطيتلك نشرة اخبار كاملة فعيشووووووووووا ,,وما حد حوش