يوميات نابلسية ,,ابتسم انت بنابلس

اذا بيوم من الايام حضرت عرس ... ونزلت الشباب عالدبكه وبلش العرق يزرب ، وحميت مع أبو فلان وسحب الكلاشنكوف وطررررررر ..، بلش طخ عن جنب وطرف وهو برقص وبدبك ... وسقط ثلاث شهداء من جراء القصف ، العشوائي ..... ابتسم .. انت بتحضر عرس فلاحين بنابلس.

اذا تجوزت .. والناس واقفيتلك عالمسطره بتستنا أسبوع العسل لما يخلص ، عشان يفيعو عليك ويهجموا هجمة رجل واحد .. وكل واحد فايت يا بجيبلك طقم>>>>>>فناجين قهوه .. يا صينيه . ، وبالآخربتحوشلك سبعطعشر طقم قهوه .. واحدعشر صينيه ..>>>>>>بتكون بتمارس واجباتك الاجتماعيه بنابلس ..... ابتسم.

اذا كنت قاعد على مكتبك>>>بوظيفتك .... وكل المراجعين اللي اجوك طلعو يا>>>>>>قرايبك يا نسايبك يا مخولك ( من طرف اخوالك يعني) وكل واحد الا يسألك بتعرف فلان>>>>>>الفلاني .... هذا ابن عم جدتها لبنت عم مرة أخوي اللزم هاتلك بوسه يا>>>>>>رجل .. اممممموا .. اممممممممممممممموا .. ابتسم .. فانت في نابلس

اذاكنت ماش بسيارتك مستعجل بدك تلحق موعد .. ولا الشارع مليان سيارات>>>>>>عن اليمين والشمال ... امشي ... امشي . امشي ... والسير يالله ماشي ...>>>فجأه بتشوف هالسياره المزينه ... وكلها ورد وشبر.. والعريس النضوه حاط>>>>>>نيوترال وداحل ...>>>>>>ليش السير شبه واقف .. لانه>>>>>>كل واحد من المحترمين اللي بالزفه بده>>>>>>يوقفله خمس دقايق جنب سيارة العروس يصفقلهم شوي وينظر النظره الاخيره او>>>الوداع الاخير>>>للعروسه نيال ابوها ..>>>>>>اذا صار معك مثل هذا الموقف ... مش تبتسم بس ... اضحك واقلب ع ظهرك ..>>>>>>>>>انت بنابلس>>>يا عمي .

اذا كنت بصلاة الجمعه ... كلك ايمان وخشوع بعد الخطبه المؤثره ..، والامام صوته ما شاء الله بيدغدغ القلوب .. وأول ما سلم الامام ، وخلصت الصلاه سمعت :،أحمر يا زر البندوره ..ب بعشره البكسه بعشره'، أصابع البوبو يا خياااااااااااار ... أربعه كيلو ببريزه .. يالله يالله'>>>>>>' عالسكين يا بطييييييييخ ... أحمر أحمر يا يا ابو قرعه ' ، وطار الخشوع ... وفقع قلبك ... وصحتين وعافيه..، ابتسم .... وابتسم .... وخلي طواحينك يبينو ... انت على باب جامع بنابلس على، الارجح الجامع الكبير او النصر

اذا كنت واقف على الدور باي مؤسسة او بنك واجا واحد من فوقيك خلع رقبتك ، وقلتله يا عمي الدور مش الك ، ورد عليك الموظف ابن عمي بس بدي اساله سؤال وبتمشي اموره قبلك ..... ابتسم فانت مليون بالمية في نابلس

اذا كنت راكب بتاكسي على الاشارة الضوئية ولسا باقي 5 ثواني لتقلب برتقالي مش اخضر لسا ، بتسمع 20 زمور هوا من وراك و20 واحد بصيح عليك امشي او ادحل لأدام ، اعلم علم اليقين انك بنابلس

اذا واحد طب بحدا ماشي بالشارع وصارت مشكلة وبعد اقل من 5 دقائق كان في 100 مسلح بعصا او مفك او كلاشينكوف او m16 وبصيحو بدنا نحرق ونكسر ( من الطرفين ) وتاني يوم بتقرا في الجريدة صك عطوة بين الطرف وكرم وتسامح عربي اصيل واسقاط الحقوق لوجه الله ورسوله ثم للجاهة الكريمة ، تيقن انك بنابلس والمشكلة بين المخيم ونابلس او نابلسية بفلاحين ,,,

اذا كل ما البلدية زفتت شارع او قرنة بالبلد وتاني يوم قرات بالجريدة تهنئة بتكلف 100 $

لرئيس البلدية ومهندسين البلدية وعمال البلدية ونسايب اللي بشتغلو بالبلدية ، يهنؤونهم عل على عملهم الدؤوب في تطويرالبلد والعمل على ازدهارها ، فاعلم انك بنابلس,

اذا كنت بتطالب بحساب الك من "س" من الناس ورحتله بعد 25 الف موعد وشهق وصاح فيكي وقالك ، الله اكبر هو انا مكسورلك ، اعلم انك بنابلس

اللهم لا حول ولا قوة الا بالله العلي العظيم وحسبنا الله ونعم الوكيل

اللهم ردنا الى ديننا ردا جميلا

واصلح لنا دنيانا التي فيها معاشنا واصلح لنا آخرتنا التي اليها مردنا

واجعل القرآن الكريم نور صدورنا ودستور حياتنا وجلاء همومنا

اللهم آميـــــــــن