خبر وتعليق

خبر وتعليق13

مرحبا فيكم من جديد ,,,,خبرنا اليوم حيكون بره فلسطين ولو انه التعليق حيكون فلسطيني ,,,,الخبر باختصار هو

اشتباكات بيروت بين المعارضة والحكومة

طبعا اول ما خطر ببال اي فلسطيني وانا منهم انه اللي بيصير شبيه باللي بيصير بغزة ,,,يعني فريق المدام,,,عفوا قصدي الرجل سعد الحريري والمنغولي وليد جنبلاط ,,,واللي بيمثل فريق السلطة بلبنان وحزب الله بقيادة سماحة الشيخ حسن نصرالله – احم حسيت حالي بعلق على مبارة كرة قدم - ,,,,طبعا وزي ما هو متوقع خلال يومين بس حزب الله سيطر على بيروت وجماعة الحريري وجنبلاط هربوا وشلفوا كلهم من مكاتبهم ,,,وتلفزيون السوبر ستار اللي اسمه المستقبل صار من الماضي ووقف بثوا عشانهم طبقوا قاعدة الخوف بخوف – وفي سبب اهم عشان ميشوووووووووو المزيع اللي كتير مهضوم حمل الكلشن ونزل يقاتل بحزب الله نيالي عليكم ما الزكم يا جماعة الحريري - ,,,,وحزب الله الي سجل اول هزيمة فعلية بتاريخ الصراع مع اسرائيل ما اظن حيعجزوا كم ولد ناقصين ترباية ,,,,لا والازكى من كل هاد يا جماعة الجيش اللبناني الي مش عارف ايش وظيفته بالزبط قال ايش كل ما حزب الله يسيطر على منطقة الجيش بيستلمها منه ,,,وزي كانه هاد الجيش اسمه الصليب الاحمر اللبناني مش الجيش اللبناني ,,,على كل الجيش اللي ما قدر يهزم 50 مسلح خلال 3 شهر بنهر البارد وخسر بالمقابل اكتر من 100 قتيل اكيد انه بينفع يكون كل شي  الا انه يكون جيش لدولة محترمة هلأ خلوني اتوقع اللي حيصير بعد هيك من باب القراءة السياسية ,,,,,,ازا السنيورة افندي ما استقال الليلة وهاد اشي مستبعد,,,,,طبعا حزب الله حيظل مسيطر على بيروت ومش بعيد كمان تمتد سيطرته للشمال اللبناني المسيحي المحسوب على تيار المستقبل – تيار الماضي الاسود - ,,,,,وخلال فترة قصيرة ممكن كتير نشوف ثورة اسلامية مشابهة للي صار بايران – وانا بصراحة نفسي تصير ونظام شيعي احسن من نظام الحريري الاسرائيلي- ,,,,بس خلال الفترة هاي حيدخل طرف جديد الصراع ,,,,,وهو طرف كلنا ما بنتمنى يدخل ,,,اكيد عرفتوا وهو الفصائل الفلسطينية بلبنان متمثلة بحركة فتح والقيادة العامة للجبهة وعصبة الانصار- عصبة الانصار بتمثل حركة حماس بلبنان –وهو طرف بيشكل اكتر من ربع القوة العسكرية بلبنان واله وزنه على الساحة اللبنانية ,,,,بس كيف حتدخل الفصائل الفلسطينية ,,,,ممكن اولا يتحول الصراع سني شيعي بلبنان  - وانا من هلأ ببصم بالعشرة وبحكي انا مع حزب الله الشيعي ضد الحريري السني يعني والله فضيحة واحد متل مدام سعد الحريري يمثل السنة - ,,,وطبعا بس يتحول الصراع اللبناني لحرب اهلية بين السنة والشيعة والسعودية حتكون اول الممولين لهيك شي حنلاقي جماعة المخيمات الفلسطينية دخلوا الحرب بقدرة قادر – اصلا الفلسطينية لازم يتدخلوا لانه هاد جزء من اللي بيصير وهو كله جزء صغير من خطة كبيرة قاعدة بتتنفد بالشرق الاوسط وبعدين الفلسطيني ازا ما تدخل بلي ما بيعنيه ما بصير فلسطيني ولا انتو ما بتشاركوني الراي - ,,وخلال فترة قصيرة حنشوف بلبنان نفس اللي شفنا بغزة وممكن كتير يصير تدخل خارجي من طرف البوارج الامريكية ومنها البارجة كول اللي صرلها اكتر من شهرين وهي موجودة قرب السواحل اللبنانية ,,,,,وفرنسا كمان مش حتنسى تحشر مناخيرها لانها من زمان نفسها ترجع مجدها اللي ضاع بلبنان ’’’’’واسرائيل حتلاقي الفرصة مواتية عشان توجه ضربات لحزب الله بهاي الفترة وهو مشغول بالحرب الداخلية ,,,,بس ما ننسى سوريا وايران ,,,,ايران بنظري حتظل بصفوف الاحتياط ومش حتتدخل الا لو شفنا توافد مسلحين على لبنان بحجة الدفاع عن السنة ضد الشيعة اللي بيمثلهم حزب الله -* وانا براهنكم انه خلال اسبوع حتلاقوا حملة اعلامية كبيرة عنوانها انصروا السنة بلبنان ومش بعيد ابن لادن والظواهري يطلعولنا بتسجيل جديد وما احبهم بالتسجيلات يحكوا فيه انه حزب اله شيعي وبيحاول يبيد السنة ومن حكيهم الفاضي اللي زهقنا منه ,,,,,بالمحصلة الختامية يا جماعة اللي بيصير هو عبارة عن المقدمة للحرب العالمية الثالثة بنظري وان شالله بمقالي الجاي حاحاول اكتب تفاصيل الصراع الكبير اللي حيشهدوا العالم بنظري عن قريب ,,,,,,,ولهداك الوقت بحكي اللهم انصر المؤمنين واولايائك في لبنان وفلسطين وسائر بلاد المسلمين,,,,وبلقاكم بالجزء التاني من هاد المقال ’’’’’’’’’’’