خبر وتعليق

                              ليش يا عرب ,,,,,,,,,,,,,؟

بصراحة وانا بشوف الاخبار هل اكم يوم اللي فاتوا ,,,,كالعادة كان فيها اخبار كتيرة مستفزة واخبار بترفع الراس ,,,,,طبعا زكرى نكبة فلسطين سيطرة على الاخبار من قناة الجزيرة القطرية اللي تفاعلت بشكل كتير حلو مع الموضوع وكانت على مستوى الحدث لقناة الصليبية ,,,قصدي العربية ,,,,اللي سابت النكبة وقعدت 24 ساعة تغطي بزيارة بوش للاحتفال بعيد قيام اسرائيل – يعني الجماعة مستحيين يحتفلوا مباشرة قالوا بنلبسها لبوش – ونسيت القناة انه في نكبة لفلسطين مع انها عملت كم لقاء مع كم مليونير فلسطيني بره – زي كانه شعب فلسطين عايش احسن عيشة بره فلسطين وما بدو يرجع لفلسطين الا دلع وقلة حية ….ونسيو انه اكتر من نص الفلسطينية بره فلسطين بمخيمات مش لاقيين الا كم كيس طحين قيمته الغدائية بتعادل قيمة كيس سمنت مصري من اللي بنى اليهود فيه الجدار ازا مش اقل -,,,,ما علينا 60 سنة على نكبة فلسطين ان شالله السنة الجاي بنحتفل بالزكرى الاولى لاستقلال فلسطين ,,,,,واكتر خبر استفزني بصراحة وكان نفسي اخد اول طيارة واروح الكويت وامسك اخو هل ,,,المحلل الكويتي اللي قاله ,,,,خليني احكيلكم ايش حكى ,,,,

-الكلب الكويتي انتقد الهجرة الفلسطينية عام 48 وحمل شعبنا المسؤولية ,,,وقال ايش لو الفلسطينية عندهم حب لفلسطين كان ما هربوا وحتى لو هربوا كان توجهوا لدول عربية مجاورة ,,,وما طلع نصهم على اوروبا وامريكا وعاش هناك ,,,,,- هاد مختصر كلام الكلب الكويتي ,,,,,يعني مش عارف مين داعس على دنبه وقايله احكي عن فلسطين ومين طالب راي كلب زيو ,,,,وايش اللي بيوجعو بالزبط مش مفهوم ,,,,انا حاحكي للكاتب الكويتي الهمام ليش معظم الفلسطينيين هاجروا بعيد عن دول العرب والاسلام وعشوا باوروبا وامريكا ,,,

اول شي بلاد العرب بجدارة بتنفع تتسيج بسلك وينحط على بابها – جنغل لاند- ,,,بعد ما خلاها الامريكان والغرب والاسرائيلين مخصصة لرحلات السفاري وبدل ما يطرقوا مشوار لاخر الدنيا بجنوب افريقيا ويصيدولهم كم غزال وكم تور ,,,لا لقيو انهم يروحو العراق وفلسطين والصومال ولبنان ,,,هناك الصيد اسهل ومفيش جمعيات حقوق حيوان توجعلهم راسهم ,,,,,بعدين الفلسطيني اللي اشتغل اكتر من 40 سنة بالكويت والسعودية والامارت وهو بيعلم بالبني ادمين – طبعا بني ادمين من العينة اللي وصفها داروين ,,,,يعني بيطبقوا نظرية انه الانسان اصله قرد مع احترامنا للقرود وللناس الفهمانة بالخليج – وبالاخير وبكل بساطة ما بيعطوه تجديد للاقامة تاعته وبيحكوله فرجينا عرض كتافك انت وولادك ....بالمقابل هاد الحكي ما بيصير بدول الغرب وامريكا ,,,ودول الغرب هادي وامريكا مثال عليها بتلاقي فيها عدد المساجد والحوزات الدينية اكتر من اي بلد عربي ,,,,وامريكا كمان ,,,مرة من المرات ,,,اعتقلت الشرطة فيها بنت بوش وانسجنت وفضحوها بالجرايد والمجلات والاعلام ,,,,كل هاد عشنهم مسكوها وهي بتشتري علبة بيرة وهي ما وصلت السن القانوني ,,,بالمقابل قبل كم شهر اميرة سعودية مبجلة بمصر نزلت بالهمر تاعها ودعست 4 مصريين وقتلتهم وهي سكرانه بشارع الهرم ,,,,وطبعا محدش حكالها وين رايحة وضبضبوا الموضوع ,,,,ببلاد

 الغرب الفلسطيني بياخد جنسية بعد 5 سنيين من الاقامة وبيضل محتفط باسمه وجنسيته الاصلية ,,,,بالمقابل بدول الخيج ودول العرب بيظل الواحد عايش 5000 سنة وما بياخد لا جنسية ولا ما يحزنون وبيظل يتعامل زي اي كلب بهديك الدولة ,,,وممكن كتير يعاملو واحد مجوسي هندي احسن منه ,,,,ولو فكروا يعطوه الجنسية – وهاد بعد عمر طويل كتير – بيطلبوا منه يغير اسمه ويتنازل عن باسبوره الفلسطيني وياريت بس هيك ,,,,كمان بيطلبوا منه يحمل اسم عائلة من عائلات هديك الدول الكتير محترمة زي ال مكتوم ومخزوم ومن داري شو ,,,,,,بامريكا ودول الغرب اولاد الناس بتروح على المدارس نفسها اللي بيروح عليها ولاد الرئيس لو كان بوش ,,,,,بس بدول الخليج لأ ,,,مش مسموح للفلسطيني يدخل مدرسة حكومية ,,ولازم يدخل مدرسة خاصة رسومها اكتر من رسوم الجامعة الامريكية بزات نفسها ,,,,,بامريكا والغرب مسموحلك توقف قدام البيت الابيض وتبلش تسب من الصبح لحد المسا على بوش والادراة وتنتقد فيهم ,,,,ومحدش بيحكيلك وين رايح ,,,بس يا ويلك ببلد عربي لو فكرت تعمل مسيرة دعم للنكبة ,,,,ولا تفكر تسب على رئيس دولة ساعيتها الجن الازرق ما بعرف مكانك ,,,,وبتتحاكم بتهمة شتم الزات الرئاسية ,,,,بس على فكرة عادي جدا تكفر لانه الزات الالهية مش مهمة كتير بهاي الدول ,,,,ببلاد العرب الدعارة مسموحة وبشكل رسمي من المحيط لخليج بمعظم الدول ,,,,بس بامريكا والغرب الدعارة الرسمية ممنوعة ....امريكا والغرب ممنوع الولد الصغير يدخل السينما الا مع ابوه ولا ولي امره وممنوع القنوات تعرض افلامها الا بس تحط عليها السن المسموح يعني – ممنوع لاقل من 12 ولا 18 ولا 21 – بس بدولنا العربية الاسلامية المجيدة لأ,,,,بتلاقي قنوات اي ار تي السعودية الملكية ,,,بتعرض الافلام الممنوعة من العرض بمصر ,,,,,وبتفتخر بهاد الشي ,,,دولنا المجيدة عبارة عن كمشة غنم بيحكمها واحد اسمه الرئيس ورايه اله لحاله وزي كانه نازل بالوحي وممنوع يتعارض ,,,بس بامريكا والغرب ممنوع رئيس متل بوش يحك مناخيره الا ازا سال الكونجرس ووافق على هاد الشي ,,,,,في دولنا المجيدة بتلاقي مدن متل عمان وبيروت فيها اكتر من 500 نادي ليلي بالمقابل ولاية امريكية زي نيورك ما تلاقي فيها هاد العدد مع انه عدد سكانها اكتر من هدول الدولتين مع بعض على 3 مرات ,,,,,بامريكا بتلاقي بين كل كم خمارة ونايت كلب كنيسة ,,بس بلبنان مثلا بتلاقي بين كل خمارة وخمارة ,,,خمارة كمان ,,,,,,بامريكا والغرب ازا المخابرات بدها تتزانخ معك بدها ازن من القاضي وحكاية طويلة ,,,بس عنا ببلادنا العربية المجيدة يكفي انك فلسطيني وواحد من الجيران كبسك تقرير كلوا كزب عشان تختفي انت وعيلتك واللي بيحبك عن وجي الارض ,,,,,,

فبتصور هادي الاسباب كافية عشان كل فلسطيني مش يسيب بلاد العرب لأ.,,,,عشان يبزق عليها ويشلف بره ,,,,,,والكاتب الكويتي المحترم ,,,,عمره سال حاله سؤال ,,,,,ليش بلد متل الكويت حلوة ,,,,مع انه اكبر واحد معه شهادة علمية بالكويت – على الاكيد قاطع اكتر من نص مشواره التعليمي بالمصاري – ولد فلسطيني بيفهم احسن منه ,,, الجواب يا محترم بتلاقيه عند الفلسطينية الي درسوا ابوك وجدك وخلو البادية الكويتية يصير اسمها دولة الكويت,,,ولولاهم كان حضرتك ما بتعرف تمسك القلم اللي انتقدت فيه اسيادك الفلسطينية ,,,,,,,,,,,